The Legend Of Mohammad Aziz 💜

#मोहम्मद_अझीझ 💜

काही दिवसांपूर्वी एका मित्राच्या स्टेटस वर " Aye meri mohabaat sun main ye mashwara doonga tu mujhe bhula dena main tujhe bhula doonga "

हा एका गाण्यातील थोडासा कडवा बघितला आणि एकंदरीत त्या आवाजाचा चाहता झालो...लगेच युट्यूबवर जाऊन हा गीत Search करून बघितला आणि ऐकतच राहिलो...त्या गाण्याचे Lyrics आणि मोहम्मद अझीझ सरांच्या आवाजाने मी एकदम मंत्रमुग्ध झालो..हा गीत "बिछडा यार मिलादे "या अलबम मधील होता.या गीताचे Lyrics आणि मोहम्मद अझीझ सरांचा आवाज माझ्या मनात घर करून गेला..मोहम्मद अझीझ हा नाव माझ्यासाठी पूर्ण नवीन होता या अगोदर मी त्यांच नाव कधीही ऐकलं किंवा वाचलं नव्हतं.त्यामुळे मी सर्वात अगोदर जाऊन यांच्याबद्दल गुगल केलं आणि एकदम आश्चर्यचकित झालो,मला खरंच एक सुखद धक्काच बसला.कारण मी ऐकलेले,मला आवडलेले १९८०-१९९० च्या दशकातील अर्ध्यापेक्षा जास्त सुपरहिट गाणी मोहम्मद अझीझ सरांनी गायलेली आहेत हे बघून तर मी जाम खुश झालो..त्यांचा वेगळा आवाज आणि गाण्याची वेगळी शैली ही निव्वळ अफलातून होती.

८०/९० च्या दशकातील असा कोणताही व्यक्ती असणार नाही ज्यांनी ही गाणी ऐकलेली नसेल.त्यांची गाणी आणि त्या गाण्याच्या Lyrics आज सुद्धा ऐकतच राहावं असं वाटतं असते.त्यांच्या गीतात जणू एक जादू होता ज्यामुळे त्यांची गाणी आज सुद्धा ऐकावी वाटतात.त्यांच्या गीतातील प्रत्येक ओळ काहीतरी शिकवून जायची आणि विचार करायला भाग पाडायची.

अमिताभ बच्चन, मिथुन दा,ऋषी कपूर,पासून तर गोंविदा,अनिल कपूर आणि इतर अनेक अभिनेत्यांच्या सुपरहिट गीतामागे अझीझ सरांचा आवाज होता हे मला आता समजले..कल्याणजी -आनंदजी, लक्ष्मीकांत-प्यारेलाल, आर. डी. बर्मन अशा अनेक संगीतकारांसोबत मोहम्मद अजीज यांनी गाणी गायली आहेत पण तरीही आज यांच नाव मला आजपर्यंत माहिती नव्हतं हे माझ्यासाठी खूप दुःखद गोष्ट होती..नोव्हेंबर २०१८ सालीच हे आपल्याला सोडून गेले हे वाचून तर मला खूप वाईट वाटले.त्यांना पहिला ब्रेक १९८२ मध्ये जगमोहन यांनी दिला होता.

 ८० आणि ९० च्या दशकात त्यांनी बरीच हिट गाणी दिली. यात  'लाल दुपट्टा मलमल का' (1989), 'तेरी बेवफाई का शिकवा करुं तो' (राम अवतार, 1988), 'आजकल याद और कुछ रहता नहीं' (नगीना 1986) और 'ऐ मेरे दोस्त लौट के आजा' (स्वर्ग, 1990) सारखी गाणी आहेत..या गीतामध्ये माझे सर्वात आवडते गाणे म्हणजेच...

१)तेरा गम अगर ना होता,तो शराब मैं ना पिता !!

२)मय से मिना से ना साकी से,दिल बहल जाता हैं मेरा,आपके आ जाने से !!

३)मुझको पिना हैं पीने दो !

४)अये मेरे दोस्त लौट के आजा !!

५)सावन के झुलोंने मुझको पुकारा !!

६)तु कल चला जायेगा !!

७)दुनिया में कितना गम हैं,मेरा गम कितना कम हैं !!

८)दिल दिया हैं जान भी देंगे अये वतन तेरे लिये !!

९)तू मुझे कबूल मैं तुझे कबूल !!

आणि 

१०) तुम्हे दिल से कैसे जुदा हम करेंगे

इत्यादी इत्यादी असंख्य गाणी त्यांनी गायली आहे... ही यादी न संपणारी आहे.  या लिजेंडने आपल्या ६४ वर्षाच्या हयातीत वेगवेगळ्या भाषेत २० हजार पेक्षा गीत गायले आहेत यातच सर्व काही आलं. संगीत क्षेत्रात भरभरून योगदान दिलं आहे जे कोणीही विसरू शकत नाही आणि शकणार सुद्धा नाही..मोहम्मद अझीझ यांचा जन्म २ जुलै १९५४ मध्ये पश्चिम बंगाल येथील अशोक नगर मध्ये झाला होता.त्याचं पूर्ण नाव सैय्यद मुहम्मद अझीझ उन नबी होतं तर त्यांना #मुन्ना_अझीझ या नावाने ओळखले जाऊ लागले होते..

१९८२ मध्ये मोहम्मद अझीझ मुंबईत आले होते.मुंबईत येऊन त्यांनी काही काळ संघर्ष केला.या काळातच त्यांची ओळख काही दिग्गजांसोबत झाली.त्यांनी यांना संघर्षाच्या काळात खूप मदत सुद्धा केली.यामध्ये जगमोहन,सलीम अखतर इत्यादी काही दिगग्ज होते..अशातच पुढे संगीत दिग्दर्शक अनु मलिक यांनी त्यांना "मर्द टांगेवाला" हे गाणे मिळवून दिले आणि येथून त्यांची यशस्वी वाटचाल सुरू झाली..मोहम्मद रफी साहेबांना त्यांनी आपली प्रेरणा असल्याचं म्हटलं होतं आणि त्यांची गाणी ऐकूनच त्यांनी गायला सुरुवात केली होती..या लिजेंडच २०१८ साली आपल्याला सोडून जाणे हे खरंच दुर्दैव आहे..या अवलियाचे शेवटचे दिवस खूप वाईट गेले असे म्हणतात.बॉलिवूडने यांनी उपेक्षित ठेवलं होत काही काळाने यांना चित्रपट सृष्टीत काम मिळणं सुद्धा बंद झालं होतं..पण तरीही यांनी हिम्मत न हारता आपल्या आयुष्याच्या शेवटपर्यंत स्टेज शो करत होते..जेव्हा हे जग सोडून गेले तेव्हा यांच्या अंतिम यात्रेत कोणतीही मोठी हस्ती दिसली नव्हती असे सुद्धा म्हणतात..विशेष करून ज्यांच्या आवाजाने ज्या अभिनेत्यांना ओळख मिळवून दिली होती ते अभिनेते सुद्धा यांच्या शेवटच्या क्षणात दिसले नव्हते....जेव्हा जेव्हा संगीत,गायक,गीत इत्यादी विषय येतील तेव्हा तेव्हा मोहम्मद अझीझ सरांचा उल्लेख यायलाच हवा..हा महान कलाकार उपेक्षित राहिला याचा खरंच दुःख होतोय...काही मुख्य गायकांच्या उदो उदो मध्ये आपण या कलाकाराला विसरलोच होतो..या legend चा कोठेही उल्लेख न होणे हे खूप दुःखद आहे...छोटासा प्रयत्न करूया या अवलियाच्या बद्दल इतरांना माहिती देण्याचा...जमेल तेवढं यांचा उल्लेख करत जा,यांच्या गाण्याच्या स्टेटस खाली विशेष करून The Legend मोहम्मद अझीझ हा caption द्यायला विसरू नका..❤️

या महान कलाकाराला विनम्र अभिवादन आणि हॅट्स ऑफ ❣️

©️ Moin Humanist ✍🏻