Happiest Birthday We Read ♥️🌿

आज आपल्या हक्काच्या We Read चा पहिला वर्धापनदिन...! ♥️😘

Happy Birthday To Our We Read....❤️😊

आजच्या दिवशी म्हणजेच 2 ऑक्टोबर 2022 साली आपण We Read नावाने अधिकृतपणे 'बुक डिस्ट्रिब्युटरशिप' मध्ये उतरलो होतो.तसे तर या आधी 2020 मध्ये थोडं लॉकडाऊन शिथिल होताच सर्वप्रथम मी ही वाचन चळवळ सुरु केली होती, तेव्हा याचं नाव 'खजिना पुस्तकांचा'असं ठेवलं होतं काही कालावधी नंतर नाव बदलून 'We Read' केलं ते आजपर्यंत.

'सुरुवातीला हा उपक्रम मी जमेल तसं 4/4 महिने विश्रांती घेत घेत चालवलं पण जेव्हा प्रतिसाद वाढला नि मला हर्षल या जिवलगाची हक्काची साथ मिळाली तेव्हा 2022 मध्ये आम्ही हे अधिकृपणे सुरू करायचं निर्णय घेतला.तळागाळातील वाचकांपर्यंत चांगली पुस्तके सवलतीत पोहोचली पाहिजे नि मुळात ती वाचली गेली पाहिजे.हा एक सोप्पा व छोटासा ध्येय डोळ्यासमोर ठेऊन आम्ही 'महात्मा गांधी नि शास्त्रीजींच्या जयंती दिनानिमित्त  'We Read  नव्याने सुरू केला जो बघता बघता आज एक वर्षाचा झाला.♥️

एका पब्लिकेशनची पुस्तके सुरुवातीला ऍड करून सुरू केलेला हा प्रवास आज 35 पब्लिकेशनच्या पुस्तकांपर्यत येऊन पोहोचला आहे.या एका वर्षात We read ला वाचकांचा जो प्रतिसाद मिळाला तो पूर्णपणे अनपेक्षित होता.हा एक वर्षाचा प्रवास खूप काही शिकवणारा नि समृद्ध करणारा होता.एकही दिवस ब्रेक न घेता या क्षेत्रात सलग काम करण्याचा हा अनुभव कमालीचं भारी होता.

या एक वर्षात असंख्य नवीन वाचक जोडता आले,तळागाळातील वाचकांपर्यंत वाचनीय नि दर्जेदार पुस्तके पोहोचवून, कितीतरी जणांना वाचायला प्रवृत्त केलं,BBC ने दखल घेतली, विविध ठिकाणी जाऊन पुस्तक नि वाचनाबद्दल बोलता आलं,TTYHF कन्सेप्ट सुरू करून अनेकांशी संवाद साधला आला तर असंख्य पुस्तके वाचून वाचलेल्या प्रत्येक पुस्तकाचा अनुभव लिहून त्या वाचनीय पुस्तकांबद्दल इतरांना कल्पना तर दिलीच व चांगली पुस्तके वाचकांपर्यंत सवलतीत पोहोचवली सुद्धा याचा प्रचंड आनंद आहे.🥰

वाचकांना वाचायला प्रवृत्त करणे,त्यांना चांगल्या पुस्तकांबद्दल कल्पना देणे आणि दर्जेदार वाचनीय पुस्तके घरपोच पोहोचवणे हे आजच्या काळात फार गरजेचं वाटतं.वाचक नि वाचन वाढवण्यासाठी वाचकांपर्यंत चांगली पुस्तके पोहोचवणे आज महत्वाचं असून यासाठी आम्हाला सुरुवातीपासूनच काम करायचं असल्याने नि यामध्ये कमालीचा इंटरेस्ट असल्याने आम्ही We Read सुरू केला होता.

मुळात पुस्तके फक्त वाचकांपर्यंत पोहोचवण्याचा उद्देश्य आपला कधीही नव्हता तर वाचनीय पुस्तके पोहोचवण्याचं आणि ते पुस्तक वाचलं सुद्धा गेलं पाहिजे (फक्त पोहोचवणेच महत्वाचं नाही) हा आपला नेहमीपासून उद्देश्य राहिला आहे नि कायम हाच असेल.

जास्तीत जास्त जणांना वाचनाची आवड कशी निर्माण होईल यासाठी काम केलं तर पायरसी, कॉपीराईट बद्दल सुद्धा जणजागृती करण्याचं जमेल तसं प्रयत्न आपण या एका वर्षात केलं नि पुढे सुद्धा करणार आहोत.

We Read एक ऑनलाईन वाचन चळवळ आहे.जी आजच्या डिजिटल युगात पुस्तक वाचन आणि वाचक वाढवण्यासाठी प्रामाणिक प्रयत्न करत आहे.पुस्तक प्रेमींनी पुस्तक प्रेमींसाठी पुस्तक प्रेमापोटी सुरू केलेली चळवळ म्हणजेच We Read.नवीन वाचक वाढवणे हा आपला उद्देश्य आहेच त्यासोबत या वाचकांच्या हातात योग्य वयात योग्य पुस्तक पोहोचवणे हा सुद्धा आहे.जे पुस्तक वाचून त्यांचा दृष्टीकोन बदलेल.योग्य वयात योग्य पुस्तक हातात आल्याने आयुष्य बदलू शकतो हा माझा दृढ विश्वास आहे.माझ्या आयुष्यात पुस्तके आली ती बाबासाहेब आंबेडकरांच्या एका चित्रपटामुळे आणि आता पुस्तकामुळे मी घडलोय आणि घडतोय. मला पुस्तकासाठी वाट पाहावी लागली,योग्य वेळेवर पुस्तके मिळाली नाही.पण तेव्हा जे आपल्याला मिळालं नाही ते आपण आता इतरांना मिळून देऊ ही प्रामाणिक मानसिकता यामागे आहे नि नेहमी असेल..!

We Read सहकार्य करणाऱ्या नि अफाट प्रतिसाद देणाऱ्या सर्व वाचकांना खुप खुप प्रेम...आपली साथ नि प्रेम नेहमी सोबत असेल हा विश्वास आहे.♥️🌱

इथून पुढे सुद्धा खूप काही करायचं आहे.ही फक्त सुरुवात आहे..!

Keep Loving Keep Reading....!

~ Moin&Harshal ♥️🌱🌿