तर सर्वप्रथम We Read मध्ये आपले मनःपूर्वक स्वागत आहे....🌼❤️


तर सर्वप्रथम We Read मध्ये आपले मनःपूर्वक स्वागत आहे....🌼❤️

"पुस्तकं ही माणसाची खरी मित्र असतात," असं आपण नेहमीच ऐकत आलोय. पण ही मैत्री जपण्यासाठी नि टिकवण्यासाठी ही पुस्तकं सहज उपलब्ध होणं खूप गरजेचं आहे. हाच विचार डोळ्यांसमोर ठेवून आपण We Read ही वाचन चळवळ सुरू केली आहे.

मी Moin Humanist, बुलढाणा जिल्ह्यातील सुलतानपूर गावचा एक सामान्य वाचक जो वाचतो,वाचल्यानंतर पुस्तकाबद्दल लिहितो नि ती पुस्तके माझ्यासारख्या वाचकांपर्यंत सवलतीत घरपोच पोहोचवतो सुद्धा माझ्या वाचनप्रेमाला बघून शरद तांदळे सरांनी मला 2022 साली एका वाचकाला दिला जाणारा पहिला 'स्वप्नील कोलते साहित्य पुरस्कार' दिला आहे. लॉकडाऊनच्या काळात मी Study Bunker नावाचा एक छोटासा उपक्रम सुरू केला ही अशी एक जागा आहे जिथे कुणीही वाचक मोफत येऊन पुस्तके वाचू शकतो.याची दखल BBC मराठीने सुद्धा घेतली आहे जी खाली दिलेल्या लिंकवर क्लिक करून तुम्ही बघू शकता.

हळूहळू ही जागा वाचकांचं केंद्र बनत गेली. याच स्टडी बंकरमधून ‘We Read’ ही कल्पना आकारास आली.केवळ वाचनापुरती मर्यादित न ठेवता, वाचनसंस्कृती पोसणारी नि ती पुढे नेणारी चळवळ.

We Read मध्ये तुम्हाला मिळेल – 🌼

WhatsApp वर दररोज विविध पुस्तकांचे ओळखीपर लेख कोणतं पुस्तक का वाचावं, त्यातून काय मिळेल हे सहज समजेल.

दर्जेदार पुस्तकांची घरपोच सेवा – जे पुस्तक तुम्ही निवडाल, ते तुमच्याच दारात पोहोचवण्याची माझी जबाबदारी.We read मध्ये पुस्तकं मागवल्यानंतर ती काळजीपूर्वक पॅक करून पाठवली जातात. कोणतीही अडचण आल्यास वाचक थेट संपर्क साधू शकतात. फसवणूक, ब्लॉक करणं किंवा पैसे घेऊन गायब होणं अशा गोष्टी या चळवळीच्या मूल्यांशी सुसंगत नाहीत.

नवीन साहित्य, अनुवादित व दुर्लक्षित पुस्तकांचा परिचय वाचनाचा आवाका वाढवणं हाही आपला उद्देश आहे.

वाचकांसाठी खास शिफारसी, चर्चासत्रं नि गप्पा जेणेकरून आपलं वाचन समृद्ध व्हावं.

आज We Read च्या माध्यमातून अनेक स्तरांवरचे वाचक जोडले गेले आहेत. हातावर पोट असणाऱ्या कामगारांपासून अधिकाऱ्यांपर्यंत, रिक्षा चालकांपासून ते शिक्षकांपर्यंत आणि यामुळेच ही चळवळ आता केवळ पुस्तके पाठवण्याची सेवा न राहता एक सजीव वाचनसंवाद बनली आहे.

जर तुम्हालाही वाचनाची आवड असेल, किंवा दुसऱ्याला वाचनाकडे वळवायचं असेल तर We Read चा भाग व्हा. तुम्ही स्वतः पुस्तकं मागवू शकता, दुसऱ्याला भेट देऊ शकता, किंवा एखाद्या वाचकाला Study Bunker विषयी माहिती देऊ शकता. हीदेखील एक प्रकारची सामाजिक मदतच आहे.

We Read Team खालीलप्रमाणे…🩷

1) Vaishnavi - Wardha 
2)Amol-Sultanpur 
3)Swapnil -Veerpangra 
4)Vinayak -Bada Mehra 
5)Mahesh -Ch.Sambhajinagar 
6)V ipul- Deulgaon kore 
7)Diksha-Ch.Sambhajinagar 
8)Faizan-Sultanpur 
9)Shilratn-Nanded 
10)Rushikesh -Pune 
11)Ashwini-Sultanpur 
12)gaurav -Yavatmal

And Me Moin… 🩷

आपलं काम मीडियामध्ये:

E-Sakal Article –
https://www.esakal.com/amp/maharashtra/national-youth-day-the-story-of-moin-kabra-from-buldhana-district-spv94

 BBC Marathi डॉक्युमेंटरी –
https://youtu.be/7mx1W_gpbqY?si=zVXg1rUPqv982RxX
https://youtu.be/NpecM0-1Wy4?si=iiJUxGDPV8woT8cz

Facebook Link –
https://www.facebook.com/share/1ArnUAQM58/

We Read Whatsapp Group link -
 https://chat.whatsapp.com/GflcupmFOtD5SExk8qsaU8

Instagram link  :-
 https://www.instagram.com/humanistmoin?igsh=MWhyNTMwNHNsM2M5Yw==

संपर्क क्रमांक - 

We Read Official -9518398168

वाचन वाढवा… विचार समृद्ध करा…

Thank You ❤️

©️Moin Humanist 🌼

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

We Read आयोजित पत्रलेखन स्पर्धेचा निकाल..🌼

इमेज
We Read आयोजित केलेल्या स्पर्धेला एवढा उत्स्फूर्त प्रतिसाद दिल्याबद्दल सर्वांचे मनापासून आभार…🩵 या स्पर्धेत आम्हाला एकूण 300 पत्रं प्राप्त झाली. यात 8 वर्षांच्या बालकांपासून ते 78 वयवर्ष असलेल्या ज्येष्ठांपर्यंत सहभागींचा समावेश होता. प्रत्येक पत्रातून उमटलेली भावना, कल्पकता आणि संवेदनशीलता खरोखरच स्पर्धेचं सार्थक ठरली. मूळ नियोजनाप्रमाणे,आलेल्या पत्रांपैकी 3 सर्वोत्कृष्ट पत्रं निवडायची होती. मात्र, लहान वयाच्या मुलांचाही सहभाग लक्षणीय असल्यामुळे त्यांची पत्रं प्रौढांच्या पत्रांप्रमाणे एकत्रितपणे निकालात समाविष्ट करणे योग्य ठरणार नाही, असे आम्हाला वाटले. त्यामुळे आम्ही स्पर्धेत दोन गट तयार करण्याचा निर्णय घेतला. •18 वर्षांखालील गट •18वर्षांवरील गट 18 वर्षांखालील गटात एकूण 100 पत्रं, तर 18 वर्षांवरील गटात जवळपास 200 पत्रं होती. या विभागणीप्रमाणे प्रत्येक गटातून 3-3 विजेते निवडण्याचे ठरवले गेले. पत्रांचे परीक्षण करताना आमच्या We Read Team ने सर्व पत्रं वाचून प्राथमिक चर्चा केली नि त्यातून 18 वर्षांवरील गटातील 21 पत्रं व 18 वर्षांखालील गटातील 14 पत्रं पुढील फेरीसाठी निवडली. ह...
अधिक वाचा

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा