दहशतवाद 💔

23 एप्रिल 2025 रोजी पहलगाममध्ये घडलेली भीषण घटना संपूर्ण देशाला हादरवून गेली. निरपराध नागरिकांवर झालेला हल्ला केवळ व्यक्तींवर नव्हे तर आपल्या सर्वांच्या मानवी मूल्यांवर झालेला फार मोठा आघात आहे.धर्माच्या नावावर निष्पाप लोकांचा बळी घेणे हे अत्यंत घृणास्पद नि दुःखद आहे. धर्म हा मुळात प्रेम, सहिष्णुता नि करुणेचा संदेश देतो, पण काही लोक त्याचा गैरवापर करून हिंसेचा मार्ग निवडतात. जेव्हा निरागस लोक केवळ त्यांच्या ओळखीवरून मारले जातात, तेव्हा त्यांचे कुटुंबीय कोणत्या यातना सहन करत असतील, याचा विचार केला तरी अस्वस्थ वाटतयं. आई-वडिलांचा अपत्यांवरचा जीव, लहान मुलांचा आधार हे सगळं एका क्षणात संपवलं जातं. केवळ कोणत्यातरी विकृत एका विचारसरणीमुळे संपूर्ण कुटुंब उध्वस्त होतं.💔

Terrorism हा आजच्या काळात संपूर्ण मानवजातीसाठी एक मोठा धोका बनलाय. दहशतवादाला कोणताही धर्म, देश किंवा जातीशी जोडणं चुकीचं आहे, कारण हिंसा नि भीती यांना कधीच धर्माचा आधार नसतो. दहशतवादी कारवाया जगभरात सर्वच समाजांवर घातक परिणाम घडवतात.मग ते भारतातले हल्ले असो, अमेरिकेतील 9/11 असो, फ्रान्समधले Paris attacks असो किंवा इतर कुठेही. दहशतवादामध्ये फक्त निरपराध नागरिकांचे जीव जातात, कुटुंबं उद्ध्वस्त होतात नि समाजामध्ये अविश्वास व अस्थिरता वाढते. म्हणूनच, दहशतवादाविरुद्धची लढाई ही कोणत्याही धर्माविरुद्ध नाही, तर चुकीच्या नि हिंसक विचारांवर असलेली लढाई आहे.

Humanity,सहिष्णुता नि शांतता ह्या मूल्यांचा आधार घेऊनच आपण दहशतवादाचा मुकाबला करायला हवा. प्रत्येकाने आपापल्या ठिकाणी प्रेमाचा संदेश पसरवला पाहिजे.सरकारने कठोर कारवाई केली पाहिजे Cross-Border Terroism वर फोकस करायला हवं. मुळात Good education, Dialouge नि understanding यामधूनच आपण नवीन पिढीला  दहशतवादापासून दूर ठेवू शकतो. कोणत्याही प्रकारची हिंसा योग्य ठरवली जाऊ शकत नाही नि हिंसेला थांबवण्यासाठी सर्व देश, समाज नि मुळात धर्म यांनी एकत्र येणं गरजेचं आहे. फक्त एकत्रित प्रयत्नांनीच आपण जगात खरं शांतता नि सुरक्षितता आणू शकतो. म्हणून दहशतवादाचा पूर्ण निषेध करणे नि मानवतेच्या मूल्यांना  उंचावणे ही आज काळाची गरज आहे.

काही मुट्ठभर चुकीच्या विचारांच्या लोकांच्या वाईट कृतीसाठी संपूर्ण समाजाला जबाबदार धरणं ही अजून एक अयोग्य बाब आहे.देशबांधवांनी अशा प्रसंगी एक व्हायला हवे,धर्माच्या नावावर एकमेकांपासून तुटू नये.आपली एकता हीच आपली ताकद आहे.आपण एकमेकांना आरोप करून आपापसांत लढून दहशतवाद्याना जिंकू देऊ नये. अशा प्रसंगी आपण सर्वांनी एकत्र येऊन पीडितांसाठी संवेदना व्यक्त करायला हवी नि माणुसकीचा धागा अधिक मजबूत करायला हवा असं प्रामाणिकपणे वाटतं कारण माणसं जगली पाहिजे माणुसकी जिंकली पाहिजे.🌼💔

निष्पाप नागरिकांना भावपूर्ण श्रद्धांजली...💐😔

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा

जोगवा 💔🌼

इमेज
जोगवा हा चित्रपट मी कितीतरी वेळा बघितलं नि प्रत्येक वेळी तो खूप खोलवर अंतर्मनाला भिडला.यानंतरच मी राजन गवस लिखित चौंडक,भंडारभोग ह्या कादंबऱ्या सुद्धा वाचल्या.आपल्या समाजात धर्माच्या, देवाच्या नावाखाली काय-काय घडतं, याचं वास्तवदर्शी नि फार भावनिक चित्रण या चित्रपटात आहे.  ‘जोगवा’ म्हणजे काय, हे या चित्रपटामुळेच नीट समजलं. पूर्वीपासून आपल्या ग्रामीण भागात असं प्रथा आहे की जर कुणी संकटात असेल, विशेषतः मुलगी किंवा मुलगा दीर्घ आजारी असेल, किंवा मुलं होत नसतील, तर घरातली एखादी मुलं किंवा मुलगी देवासाठी अर्पणकेली जाते त्यांना जोगता किंवा जोगतीण बनवलं जातं. ही व्यक्ती मग आयुष्यभर देवाच्या नावावर जगते,लग्न करता येत नाही, आपलं स्वप्न जगता येत नाही, समाजाच्या बाहेर राहावं लागतं. या चित्रपटात प्रमुख भूमिका निभावली आहे (उपेंद्र लिमये) यांनी तायप्पा ‘जोगता’ च्या भूमिकेत. त्यांचं पात्र लहानपणापासून जबरदस्तीने देवासाठी झोतात दिलं जातं. त्यांचं लैंगिक शोषण होतं, ते स्वतःची ओळख विसरतात, स्वतःला पुरूष समजावं की नाही, हेही त्यांना समजेनासं होतं. दुसरीकडे सुली (मुक्ता बर्वे) जोग...
अधिक वाचा