आणखी एक पलायन ❤️


'डेझर्टर' पासून सुरू झालेला प्रवास 'पॅपिलॉन,बँको सोबतच आता 'आणखी एक पलायन'पर्यत येऊन पोहोचला.'काही दिवसांपूर्वी 'I killed To Live'या पुस्तकाचा 'आणखी एक पलायन' नावाने झालेला मराठी अनुवाद'वाचून पूर्ण केला.जो 'डॉ.रविकांत पागनीस' यांनी केला आहे.

''वरील नमूद केलेल्या पुस्तकाच्या धाटणीतलं हे पुस्तकं सुद्धा फार आवडून नि भावून गेलं.

युद्धात ओढल्या गेलेल्या आणि सतत पलायनाचा प्रयत्न करीत पकडला जाणारा व्यायामपटू एरीक प्लेझंट याची ही कथा आहे.'डॉ.एरिकचा' जन्म इंग्लंडमधील नॉरविच या छोट्या गावात राहणाऱ्या सर्वसामान्य ब्रिटीश कुटुंबात झाला. लहानपणापासून व्यायामाची आवड असल्याने त्याचे शरीर पिळदार झालेले होते.कुस्ती, मुष्टियुद्ध हे त्याचे आवडते खेळ होते.तो आपल्या ताकदीचे जोरावर अनेक कामे करायला सुरुवात करतो.

घरातून बाहेर पडल्यावर विविध कामे करीत असताना त्याचा संबंध दुसऱ्या महायुद्धाशी येतो नि आयुष्य पूर्णपणे बदलून जातो.'त्याच्या जीवनात उलथापालथ होते.जर्मनीच्या सैन्याकडून त्याला अटक केल्या जाते.'सुटकेसाठी तो जर्मनीच्या एस.एस. ग्रुपमध्ये प्रचारकाचे काम करतो,पण जेव्हा जर्मनीचा पराभव होतो तेव्हा रशिया त्याला बंदी बनवून 25 वर्षांची शिक्षा देतो.

येथील तुरुंगात 'एरिकने' त्याच्या सुटकेपर्यतचे सारे
अनुभव या पुस्तकात नमूद केले आहेत.'जे वाचताना अक्षरशः अंगावर काटा येतो.त्या वेळच्या कुप्रसिद्ध संघटनांनी त्याच्या ताकदीचा फायदा उठविला. अपमान, शिक्षा, एकांतवास, अमानवी कृत्य असे जीवन जगात असताना शत्रूच्या तावडीतून पलायन करण्यासाठी त्याने काय दिव्य पार केली, हे सर्व या आत्मकथेतून आपल्याला अनुभवायला मिळते.'युद्धाने तेथील जनतेचे होणारे हाल नि युद्धाचे भयंकर रूप,कैद्यांचे विविध पद्धतीने होणारे छळ हे सर्व वाचताना डोळ्यांत अश्रू येतात.

'माणूस सुद्धा एवढं क्रूर वागू शकतो ?
हा प्रश्न मला हे पुस्तक वाचताना पडतं होता.

पत्नी अँनालिसा व आई-वडिलांच्या आठवणींनी त्याला आत्महत्येपासून बचावले नि जगण्यासाठी बळ देऊन गेले. या सर्व काळातील आठवणी, थरारक प्रसंग वाचताना एरिकच्या आत्मबळाला खरंच दाद द्यावीशी वाटते.'एरिक कडून हिंमत नि हार न मानण्याची शिकवण आपल्याला मिळते.'ज्याप्रमाणे त्याने सातत्य ठेवतं त्याच्यावर येणाऱ्या प्रत्येक संकटाचा सामना केला नि अमाप छळ सहन केलं हे वाचून आपल्या आयुष्यातील संकटे आपल्याला क्षुल्लक वाटू लागतात एवढं नक्की.🖤
©️Moin Humanist📚
मी वाचलेली पुस्तके

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा

जोगवा 💔🌼

इमेज
जोगवा हा चित्रपट मी कितीतरी वेळा बघितलं नि प्रत्येक वेळी तो खूप खोलवर अंतर्मनाला भिडला.यानंतरच मी राजन गवस लिखित चौंडक,भंडारभोग ह्या कादंबऱ्या सुद्धा वाचल्या.आपल्या समाजात धर्माच्या, देवाच्या नावाखाली काय-काय घडतं, याचं वास्तवदर्शी नि फार भावनिक चित्रण या चित्रपटात आहे.  ‘जोगवा’ म्हणजे काय, हे या चित्रपटामुळेच नीट समजलं. पूर्वीपासून आपल्या ग्रामीण भागात असं प्रथा आहे की जर कुणी संकटात असेल, विशेषतः मुलगी किंवा मुलगा दीर्घ आजारी असेल, किंवा मुलं होत नसतील, तर घरातली एखादी मुलं किंवा मुलगी देवासाठी अर्पणकेली जाते त्यांना जोगता किंवा जोगतीण बनवलं जातं. ही व्यक्ती मग आयुष्यभर देवाच्या नावावर जगते,लग्न करता येत नाही, आपलं स्वप्न जगता येत नाही, समाजाच्या बाहेर राहावं लागतं. या चित्रपटात प्रमुख भूमिका निभावली आहे (उपेंद्र लिमये) यांनी तायप्पा ‘जोगता’ च्या भूमिकेत. त्यांचं पात्र लहानपणापासून जबरदस्तीने देवासाठी झोतात दिलं जातं. त्यांचं लैंगिक शोषण होतं, ते स्वतःची ओळख विसरतात, स्वतःला पुरूष समजावं की नाही, हेही त्यांना समजेनासं होतं. दुसरीकडे सुली (मुक्ता बर्वे) जोग...
अधिक वाचा