स्वतःचा शोध 🌸😊

ओशो यांचं स्वतःचा शोध”हे पुस्तक मी नेहमी चाळत असतो नि प्रत्येक वेळी ते मला नव्याने उमजतं.💖

ओशो म्हणजे खूप वेगळे विचार सांगणारे एक मोठे गुरु . त्यांनी नेहमी सांगितलं की “तुम्ही स्वतःला ओळखा”, म्हणजेच आपण कोण आहोत, आपलं मन काय म्हणतंय, आपल्याला काय हवं आहे  हे समजून घ्या. हे पुस्तक वाचताना असं वाटतं की त्यांनी आपणांसाठीच हे सर्वकाही लिहिलंय. त्यांनी खूप साध्या शब्दांत खूप मोठ्या गोष्टी सांगितल्या आहेत. उदाहरण द्यायचं झालं तर आपण रोज खूप गोष्टींबद्दल विचार करतो, पण स्वतःबद्दल फारसा विचार करत नाही. हे पुस्तक आपल्याला स्वतःकडे पाहायला शिकवतं. आपण मनाने खूप व्यस्त असतो मोबाईल, टीव्ही, अभ्यास, स्पर्धा… पण थोडा वेळ शांत बसून स्वतःशी बोलणं खूप महत्वाचं असतं. हेच ओशो सांगतात.

हे पुस्तक वाचताना एकदम शांत वाटतं. त्यांचे विचार असे आहेत की, आपल्याला वेगळ्या प्रकारे विचार करायला शिकवतात. ते सांगतात सत्य शोधा, पण ते कोणीतरी दुसऱ्याने सांगितलेलं नसावं, ते स्वतः अनुभवलेलं असावं.म्हणजेच आपल्याला गोष्टी अनुभवून समजून घ्यायच्या असतात, फक्त ऐकून किंवा वाचून नाही. हे पुस्तक म्हणजे एका शांत जागेत बसून स्वतःच्या मनात डोकावण्यासारखं आहे.

ओशो म्हणतात की प्रत्येक माणूस वेगळा आहे. कुणाशी तुलना करू नका. आपली वाट स्वतः तयार करा. ही खूप साधी गोष्ट वाटते, पण ती खरंच मनाला स्पर्शून जाते. त्यांनी असेही सांगितलंय की माणूस जेव्हा खरा आनंदी होतो, तो तेव्हाच जेव्हा तो स्वतःला समजून घेतो.

ओशोंनी खूप आधीपासून या गोष्टी सांगितल्या आहेत, पण त्या आजसुद्धा तितक्याच उपयोगी आहेत. त्यांनी धर्म, समाज, भीती या सगळ्या गोष्टींपलीकडे जाऊन माणूस ‘स्वतः’ म्हणून कसा जगू शकतो, हे शिकवलं आहे.

जर तुम्ही तुमच्याबद्दल थोडं समजून घ्यायचं ठरवलं असेल, तर हे पुस्तक नक्की वाचा. यात खूप सुंदर विचार आहेत जे फक्त वाचायला नाही, तर आयुष्यात अनुभवायला हवेत.

❤️ आवर्जून वाचा.

©️ Moin Humanist 💚

टीप :- हे पुस्तक घरपोच सवलतीत मिळवण्यासाठी We Read ला संपर्क करू शकता. 9518398168 किंवा https://wa.me/7066495828 या व्हाट्सअप्प नंबर वर पुस्तकाचं नाव नि आपला पत्ता पाठवा...🌼❤️

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा

जोगवा 💔🌼

इमेज
जोगवा हा चित्रपट मी कितीतरी वेळा बघितलं नि प्रत्येक वेळी तो खूप खोलवर अंतर्मनाला भिडला.यानंतरच मी राजन गवस लिखित चौंडक,भंडारभोग ह्या कादंबऱ्या सुद्धा वाचल्या.आपल्या समाजात धर्माच्या, देवाच्या नावाखाली काय-काय घडतं, याचं वास्तवदर्शी नि फार भावनिक चित्रण या चित्रपटात आहे.  ‘जोगवा’ म्हणजे काय, हे या चित्रपटामुळेच नीट समजलं. पूर्वीपासून आपल्या ग्रामीण भागात असं प्रथा आहे की जर कुणी संकटात असेल, विशेषतः मुलगी किंवा मुलगा दीर्घ आजारी असेल, किंवा मुलं होत नसतील, तर घरातली एखादी मुलं किंवा मुलगी देवासाठी अर्पणकेली जाते त्यांना जोगता किंवा जोगतीण बनवलं जातं. ही व्यक्ती मग आयुष्यभर देवाच्या नावावर जगते,लग्न करता येत नाही, आपलं स्वप्न जगता येत नाही, समाजाच्या बाहेर राहावं लागतं. या चित्रपटात प्रमुख भूमिका निभावली आहे (उपेंद्र लिमये) यांनी तायप्पा ‘जोगता’ च्या भूमिकेत. त्यांचं पात्र लहानपणापासून जबरदस्तीने देवासाठी झोतात दिलं जातं. त्यांचं लैंगिक शोषण होतं, ते स्वतःची ओळख विसरतात, स्वतःला पुरूष समजावं की नाही, हेही त्यांना समजेनासं होतं. दुसरीकडे सुली (मुक्ता बर्वे) जोग...
अधिक वाचा