झेन:साधं सरळ जीवनजगण्याची कला...! ❤️

काही दिवसांपूर्वी 'शुनम्यो मसुनो'लिखित 'झेन:साधं सरळ जीवन जगण्याची कला'हे सुंदर व अप्रतिम असं पुस्तकं वाचून पूर्ण केलं नि या पुस्तकाच्या जाम प्रेमात बुडालो.'जीवन/आयुष्याला बघण्याचा दृष्टिकोन पूर्णपणे बदलण्याची ताकद असलेले हे पुस्तकं सर्वांनी आवर्जून वाचायला नि संग्रही ठेवायला हवे.यातील प्रत्येक पानांतून साधं सरळ जगण्याची कला या पुस्तकांतून आपल्याला शिकायला मिळते,जी फार मोलाची मदत करते.

हे पुस्तकं मी फक्त वाचलं नाही तर अक्षरशः जगून आलो.यातून आयुष्य जगण्याचे महत्वपूर्ण धडे घेऊन समृध्द झालो.हे पुस्तकं एकदा हातात घ्यावं नि पूर्णपणे यामध्ये हरवून जावं असं हे पुस्तक आहे.यामध्ये दिलेल्या सरावांनी आपल्या आयुष्यात अधिक शांतता येते.'सखोल विचार करायला आपल्याला हे प्रवृत्त करून झेन कृतीचं प्रत्यक्ष मार्गदर्शन करते.

लेखक 'शुनम्यो मसुनो' हे एक बौद्ध संन्यासी नि जपानमधील 450 वर्ष जुन्या झेन बुद्ध मंदिराचे मुख्य अधिपति ते आहेत. त्यांनी कित्येक शतकांपूर्वीच्या ज्ञानाची आधुनिक जीवनासाठी स्पष्ट, व्यावहारिक आणि सहजतेने अवलंबता येतील, अशा 100 नियमात मांडणी या पुस्तकात केली आहे. शंभर दिवसांकरिता प्रतिदिन एक नियम अमलात आणण्याचा ते सल्ला देतात.जे अमलात आणल्यानंतर आपल्याला साधं सरळ जीवन जगण्याची कला गवसते.'आपण हे पुस्तकं वाचनाआधी जसे असतो ते पुस्तक वाचल्यानंतर राहत नाही.'आपलं आजूबाजूला बघण्याचा दृष्टीकोन पूर्णपणे बदलून जातो नि आपण वेगळ्या पद्धतीने विचार करायला सुरुवात करतो.

200 पृष्ठसंख्या असलेल्या या पुस्तकात खालीलप्रमाणे चार भाग आहेत. पहिल्या नि दुसऱ्या भागात एकूण 30/30 मार्ग सांगितले आहेत.'तर तिसऱ्या व चौथ्या भागात 20/20 मार्ग दिले आहेत.अश्या प्रकारे एकूण विविध 100 मार्ग आपल्याला या पुस्तकातून वाचायला मिळतात.'जे वाचून आपण या पुस्तकाच्या जाम प्रेमात बुडून जातो.


भाग 1 :-तुमच्या सध्याच्या -'स्व' ला उर्जाभरीत करण्याचें 30 मार्ग.
भाग 2 :- जगताना आत्मविश्वास आणि धैर्य निर्माण करण्याचे 30 मार्ग.
भाग 3 :-  गोंधळ आणि चिंता दूर सारन्याचे 20 मार्ग .
भाग 4 :- कोणताही दिवस सर्वोत्तम करण्याचे 20 मार्ग .🌱

या प्रत्येक भागात दिलेल्या विविध महत्वपूर्ण झेन मार्गांनी आपले जीवन अधिक समृद्ध होत जाते.आपल्या दैनंदिन जीवनातला गोंधळ शांत करायला,ताण कमी करायला नि इतरांची दखल घ्यायला हे पुस्तक आपल्याला शिकवतं.❤️

नक्की नक्की वाचा नि यामध्ये दिलेले सराव अमलात आणायचं प्रयत्न करा....🌱

शुभेच्छा...!💙

©️Moin Humanist🌱❤️

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा

जोगवा 💔🌼

इमेज
जोगवा हा चित्रपट मी कितीतरी वेळा बघितलं नि प्रत्येक वेळी तो खूप खोलवर अंतर्मनाला भिडला.यानंतरच मी राजन गवस लिखित चौंडक,भंडारभोग ह्या कादंबऱ्या सुद्धा वाचल्या.आपल्या समाजात धर्माच्या, देवाच्या नावाखाली काय-काय घडतं, याचं वास्तवदर्शी नि फार भावनिक चित्रण या चित्रपटात आहे.  ‘जोगवा’ म्हणजे काय, हे या चित्रपटामुळेच नीट समजलं. पूर्वीपासून आपल्या ग्रामीण भागात असं प्रथा आहे की जर कुणी संकटात असेल, विशेषतः मुलगी किंवा मुलगा दीर्घ आजारी असेल, किंवा मुलं होत नसतील, तर घरातली एखादी मुलं किंवा मुलगी देवासाठी अर्पणकेली जाते त्यांना जोगता किंवा जोगतीण बनवलं जातं. ही व्यक्ती मग आयुष्यभर देवाच्या नावावर जगते,लग्न करता येत नाही, आपलं स्वप्न जगता येत नाही, समाजाच्या बाहेर राहावं लागतं. या चित्रपटात प्रमुख भूमिका निभावली आहे (उपेंद्र लिमये) यांनी तायप्पा ‘जोगता’ च्या भूमिकेत. त्यांचं पात्र लहानपणापासून जबरदस्तीने देवासाठी झोतात दिलं जातं. त्यांचं लैंगिक शोषण होतं, ते स्वतःची ओळख विसरतात, स्वतःला पुरूष समजावं की नाही, हेही त्यांना समजेनासं होतं. दुसरीकडे सुली (मुक्ता बर्वे) जोग...
अधिक वाचा