खैरमोडेंचे 12 खंड आणि मी ♥️

मला आठवतं 2019 मध्ये कॉलेजच्या 2nd Year ला असताना मला 'डॉ.बाबासाहेब आंबेडकरांबद्दल अजून खूप काही जाणून घ्यायचं होतं.'धनंजय किरांनी' लिहलेलं चरित्र वाचून मी 'बा भीमाच्या'अजून जास्त प्रेमात पडलो होतो.

यामुळेच मी 'बाबासाहेबांवर लिहलेल्या इतर काही पुस्तकांचा शोध घ्यायला सुरुवात केली होती.सोशल मीडियावर असलेल्या काही अभ्यासू वाचकांना विचारलं आणि काही पुस्तकातील संदर्भ वाचून तेव्हा मला प्रथमचं 'चांगदेव खैरमोडे' यांनी बाबासाहेबांवर 12 खंडात लिहलेल्या विस्तृत चरित्राबद्दल कळालं🌱.

मी 'Amazon/Flipcart वर जाऊन बघितलं तेथे हे उपलब्ध नव्हते.मग गुगल वर चेक केलं तेव्हा एका वेबसाईटवर मला हे '12 खंड' दिसले.मला प्रचंड आनंद झाला,पण तेव्हा या सेटची किंमत बघूनच मी जाम निराश झालो.तेव्हा या 12 खंडाची एकूण किंमत होती 3490₹ रु..जी माझ्यासाठी खूप जास्त व आवाक्याच्या बाहेर होती.

त्यामुळे तेव्हा मला हे खंड घेता आले नाही व तूर्तास तो प्लॅन रद्द करावा लागला.लवकरात लवकर हे खंड घेण्यासाठी मी येथून पैसे जुडवायला सुरुवात केली.आणि अशातच मला एका ग्रुपवरून कळालं की 12 जानेवारीला 'जिजाऊ जन्मोत्सवानिमित 'मातुतीर्थ सिंदखेडराजाला'मला हे 12 खंड सवलतीत मिळतील.
तेव्हा तर मला आभाळ ठेंगण झालं होतं.

मी 12 जानेवारी पर्यत एकूण 2500 रु जमा केले होते.मला खात्री होती की एवढ्या पैशात मला हे खंड मिळून जातील.

2020 मध्ये 12 जानेवारीला मी' सिंदखेडराजा'ला गेलो आणि या खंडाची शोध मोहीम सुरू केली.सर्व स्टॉल बघितल्यावर एका स्टॉलवर येऊन माझी ही 'शोध मोहीम' संपली.मला खात्री होतीच की मला येथे हे सवलतीत मिळून जातील.

पण विक्रेत्याने 3200₹ च्या खाली द्यायला नकार दिला.माझी जाम निराशा झाली व पुन्हा माझी इच्छा अपूर्णच राहून गेली.

पुढे मार्च महिन्यात लॉकडाऊन लागला.सर्वकाही बंद झालं.नंतर ऑक्टोबर मध्ये मी ऑनलाईन 'खजिना पुस्तकांचा'आता सुरू असलेलं ( We Read ) ही वाचन चळवळ 'सुरू करून वाचकांना सवलतीत पुस्तके पोहोचवायला सुरुवात केली आणि असंख्य पुस्तके पोहचवण्यात यशस्वी झालो.

2021 मध्ये मी आवर्जून हे खंड यादीत ऍड करून सरळ पब्लिकेशन ला संपर्क केला आणि 5 सेट्स बोलावले.तेव्हा मला हा एक सेट फक्त 2500₹ मिळाला.एक सेट स्वतःसाठी विकत घेऊन मी
बाकीचे सेट्स मी 2950₹ मध्ये मी इतरांना घरपोच पोहोचवायला सुरुवात केली.

तेव्हापासून आतापर्यंत असंख्याना सवलतीत पोहोचवले आणि पोहोचवत आहे.💛

एकंदरीत हे बघा किती भारी आहे ना ?

एकेकाळी मला पैशाअभावी हे खंड वाचायला मिळतं नव्हते,तेच खंड मी आता भारतभरातील वाचकांना पोहोचवतोय....♥️

पुस्तके तुमचा पत्ता शोधून तुमच्याजवळ येतातच..🌱

एकंदरीत सुकून मिळतोय....📚

जय भीम 💙

©️Moin Humanist💙

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा

जोगवा 💔🌼

इमेज
जोगवा हा चित्रपट मी कितीतरी वेळा बघितलं नि प्रत्येक वेळी तो खूप खोलवर अंतर्मनाला भिडला.यानंतरच मी राजन गवस लिखित चौंडक,भंडारभोग ह्या कादंबऱ्या सुद्धा वाचल्या.आपल्या समाजात धर्माच्या, देवाच्या नावाखाली काय-काय घडतं, याचं वास्तवदर्शी नि फार भावनिक चित्रण या चित्रपटात आहे.  ‘जोगवा’ म्हणजे काय, हे या चित्रपटामुळेच नीट समजलं. पूर्वीपासून आपल्या ग्रामीण भागात असं प्रथा आहे की जर कुणी संकटात असेल, विशेषतः मुलगी किंवा मुलगा दीर्घ आजारी असेल, किंवा मुलं होत नसतील, तर घरातली एखादी मुलं किंवा मुलगी देवासाठी अर्पणकेली जाते त्यांना जोगता किंवा जोगतीण बनवलं जातं. ही व्यक्ती मग आयुष्यभर देवाच्या नावावर जगते,लग्न करता येत नाही, आपलं स्वप्न जगता येत नाही, समाजाच्या बाहेर राहावं लागतं. या चित्रपटात प्रमुख भूमिका निभावली आहे (उपेंद्र लिमये) यांनी तायप्पा ‘जोगता’ च्या भूमिकेत. त्यांचं पात्र लहानपणापासून जबरदस्तीने देवासाठी झोतात दिलं जातं. त्यांचं लैंगिक शोषण होतं, ते स्वतःची ओळख विसरतात, स्वतःला पुरूष समजावं की नाही, हेही त्यांना समजेनासं होतं. दुसरीकडे सुली (मुक्ता बर्वे) जोग...
अधिक वाचा