अँड नाऊ मिगेल ♥️



काही दिवसांपूर्वी 'अँड नाऊ मिगेल'ही अप्रतिम अशी 159 पृष्ठसंख्या असलेली कादंबरी वाचली.जोसेफ क्रमगोल्ड लिखित व रॉय किणीकर यांनी मराठी अनुवादित केलेली ही कादंबरी खरंच खूप छान आहे,जी वाचत असताना शेवटपर्यंत मी यामध्ये हरवून गेलो होतो.जणू मिगेल आणि त्याच्या कुटुंबाचा एक भाग झालो होतो.कादंबरीतील विविध घटना जणू मला माझ्या डोळ्यासमोर घडताना दिसतं होत्या.मेंढपाळाचं जीवन ,हजारो मेंढ्यांच्या कळपाचं पालनपोषण, तिथली हिरवीगार कुरणं, खळाळणारे झरे,मेंढपाळ कुटुंबातील चालीरीती आणि आसपासच्या निसर्गाचं वर्णन मिगेल या पात्राच्या तोंडून ऐकून मी त्याच्या भावविश्वात विरघळून गेलो.या कादंबरीतुन मेंढपाळाच्या एका वेगळ्याच विश्वाचे दर्शन आपल्याला होतात.
मिगेल शावेज हा मेंढपाळांच्या एका मोठ्या मेंढपाळ कुटुंबातील 12 वर्षाचा मुलगा. जो उत्तर न्यू मेक्सिकोमध्ये, 'सांग्रो द क्रिस्तो' पर्वताच्या पायथ्याशी राहत असतो.लवकरात लवकर मोठा होण्याची घाई झालेल्या छोट्या मिगेलची एक अतृप्त इच्छा आहे.ती ही की त्याला 'सांग्रो द क्रिस्तो'या डोंगरावर जायला मिळावं.पण तो अजून लहान असल्याने त्याचे वडील त्याला बरोबर नेत नाही आणि यामुळेचं त्याला लवकरात लवकर मोठा होण्याची घाई लागलेली आहे.या कारणानेच तो शक्य तितके सर्वांचे लक्ष वेधून घेण्याचा अतोनात प्रयत्न करत असतो.पण त्याला यात काही यश मिळतं नाही.पण एकेदिवशी 'साई सिद्रोची'प्रार्थना केल्यावर त्याला अनपेक्षितपणे डोंगरावर जाण्याची संधी मिळते.

पण आता तो,

खरंच डोंगरावर जाण्यात यशस्वी होतो का ?
त्याला ही नेमकी संधी कशी मिळते ?
इत्यादी काही महत्वपूर्ण प्रश्नांची उत्तरे या कादंबरीतूनचं मिळतील..♥️

नक्की वाचा✨

©️Moin Humanist✨

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा

जोगवा 💔🌼

इमेज
जोगवा हा चित्रपट मी कितीतरी वेळा बघितलं नि प्रत्येक वेळी तो खूप खोलवर अंतर्मनाला भिडला.यानंतरच मी राजन गवस लिखित चौंडक,भंडारभोग ह्या कादंबऱ्या सुद्धा वाचल्या.आपल्या समाजात धर्माच्या, देवाच्या नावाखाली काय-काय घडतं, याचं वास्तवदर्शी नि फार भावनिक चित्रण या चित्रपटात आहे.  ‘जोगवा’ म्हणजे काय, हे या चित्रपटामुळेच नीट समजलं. पूर्वीपासून आपल्या ग्रामीण भागात असं प्रथा आहे की जर कुणी संकटात असेल, विशेषतः मुलगी किंवा मुलगा दीर्घ आजारी असेल, किंवा मुलं होत नसतील, तर घरातली एखादी मुलं किंवा मुलगी देवासाठी अर्पणकेली जाते त्यांना जोगता किंवा जोगतीण बनवलं जातं. ही व्यक्ती मग आयुष्यभर देवाच्या नावावर जगते,लग्न करता येत नाही, आपलं स्वप्न जगता येत नाही, समाजाच्या बाहेर राहावं लागतं. या चित्रपटात प्रमुख भूमिका निभावली आहे (उपेंद्र लिमये) यांनी तायप्पा ‘जोगता’ च्या भूमिकेत. त्यांचं पात्र लहानपणापासून जबरदस्तीने देवासाठी झोतात दिलं जातं. त्यांचं लैंगिक शोषण होतं, ते स्वतःची ओळख विसरतात, स्वतःला पुरूष समजावं की नाही, हेही त्यांना समजेनासं होतं. दुसरीकडे सुली (मुक्ता बर्वे) जोग...
अधिक वाचा