सिद्धार्थ ❤️



या बौद्ध पौर्णिमेला विशेष करून नोबेल पुरस्कार प्राप्त लेखक हरमान हेसे यांची जागतिक पातळीवर गाजलेल्या "सिध्दार्थ" या कादंबरीचा अनुवाद दुसऱ्यांदा वाचून पूर्ण केला.1922 साली प्रकाशित झालेल्या या कादंबरीला यावर्षी 100 वर्ष पूर्ण झाले आहेत.आणि यामुळे विशेष ही कादंबरी मी यावर्षी दुसऱ्यांदा वाचून पूर्ण केली..एकंदरीत मला ही कादंबरी खूप आवडली आणि भावली..दुसऱ्या वाचनात काही नवीन आयाम समजले,उमजले.खूप काही नव्याने शिकवलं या कादंबरीने.मनात असलेल्या काही प्रश्नांची उत्तरे मला या कादंबरीत मिळाली.स्व:अध्ययन करण्यासाठी विशेष प्रेरणा मिळाली..

कादंबरीचे नाव जरी 'सिद्धार्थ' असले तरी ही कादंबरी सिद्धार्थ गौतम बुद्ध यांच्याबद्दल नाही.या कादंबरीत गौतम बुद्धाच्या समकालातील एका मनस्वी भारतीयाचा आत्मरूपाचा शोध घेण्यात आला आहे. कादंबरीचा काळ हा मात्र गौतम बुद्धाच्या समकालीन आहे.आणि यामध्ये बुद्ध आणि धम्माचा उल्लेख आलेला आहे.एकंदरीत हरमान हेसे यांनी गौतम बुद्धांच्या कथेची वेगळ्या प्रकारे पुनरावृत्ती केली आहे, परंतु त्याच परिमाणात, त्याच अर्थाने..

या कादंबरीचा मुख्य नायक सिद्धार्थ याच्या जीवनात बौद्ध धर्म व हिंदु धर्म या विचारसरणीचा प्रभाव आपल्याला जानवतो. ज्याला मानवी जीवनाचा अर्थ कळाला तो सिद्धार्थ असा सिद्धार्थ या शब्दाचा अर्थ आहे.सिद्धार्थ या तरुण ब्राह्मणाचा आत्म-साक्षात्काराचा शोध या कादंबरीचा गाभा आहे. वास्तव आणि त्याला जे शिकवले गेले आहे यातील विरोधाभास ओळखून तो भ्रमंती करण्यासाठी आपले आरामदायी जीवन सोडून देतो.त्याचा असा विश्वास आहे की भीतीला पराभूत करण्यास व आनंद, दुःख, जीवन आणि मृत्यू यासह जीवनातील विरोधाभास समभावाने अनुभवण्यास हा मार्ग त्याला सक्षम करेल.तपस्वी उपवास समाधानकारक सिद्ध होत नाहीत, तसेच संपत्ती, कामुकता आणि सुंदर गणिकडे सुद्धा तो लक्ष देत ​​नाही.. 

पूर्तता शोधण्याच्या निराशेने, तो नदीवर जातो आणि तेथे नदीचं ऐकायला शिकतो. तो स्वतःमध्ये प्रेमाचा आत्मा शोधतो आणि मानवी वेगळेपणा स्वीकारण्यास शिकतो. सरतेशेवटी, सिद्धार्थ संपूर्ण जीवनाचे आकलन करतो आणि आनंदाची आणि सर्वोच्च बुद्धीची स्थिती प्राप्त करतो..ही कादंबरी कोणाचा शिष्य होण्यापेक्षा स्वयंशिक्षणाची मोठी पुरस्कर्ती आहे. मूलभूत बौद्ध तत्त्वावर ठाम आहे - तुम्हाला शहाणपण मिळवण्यासाठी, तुमच्या दुःखाचा योग्य वाटा उचलण्याची गरज आहे. ज्ञान दिले जाऊ शकते किंवा सामायिक केले जाऊ शकते परंतु शहाणपण आपण इतरांना देऊ शकत नाही..इत्यादी महत्वपूर्ण धडे या कादंबरीतुन आपल्याला मिळत जातात..❤️🙂

लवकरच विस्तृत आणि थोड्या वेगळ्या अँगलने मी या कादंबरीवर लिहणार आहे.सध्या यातून शिकलेल्या धड्यांची आयुष्यात अंमलबजावणी करायचं प्रयत्न करत आहे.बघू मी यामध्ये कितपत यशस्वी होतो.🧡

©Moin Humanist✍️

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा

जोगवा 💔🌼

इमेज
जोगवा हा चित्रपट मी कितीतरी वेळा बघितलं नि प्रत्येक वेळी तो खूप खोलवर अंतर्मनाला भिडला.यानंतरच मी राजन गवस लिखित चौंडक,भंडारभोग ह्या कादंबऱ्या सुद्धा वाचल्या.आपल्या समाजात धर्माच्या, देवाच्या नावाखाली काय-काय घडतं, याचं वास्तवदर्शी नि फार भावनिक चित्रण या चित्रपटात आहे.  ‘जोगवा’ म्हणजे काय, हे या चित्रपटामुळेच नीट समजलं. पूर्वीपासून आपल्या ग्रामीण भागात असं प्रथा आहे की जर कुणी संकटात असेल, विशेषतः मुलगी किंवा मुलगा दीर्घ आजारी असेल, किंवा मुलं होत नसतील, तर घरातली एखादी मुलं किंवा मुलगी देवासाठी अर्पणकेली जाते त्यांना जोगता किंवा जोगतीण बनवलं जातं. ही व्यक्ती मग आयुष्यभर देवाच्या नावावर जगते,लग्न करता येत नाही, आपलं स्वप्न जगता येत नाही, समाजाच्या बाहेर राहावं लागतं. या चित्रपटात प्रमुख भूमिका निभावली आहे (उपेंद्र लिमये) यांनी तायप्पा ‘जोगता’ च्या भूमिकेत. त्यांचं पात्र लहानपणापासून जबरदस्तीने देवासाठी झोतात दिलं जातं. त्यांचं लैंगिक शोषण होतं, ते स्वतःची ओळख विसरतात, स्वतःला पुरूष समजावं की नाही, हेही त्यांना समजेनासं होतं. दुसरीकडे सुली (मुक्ता बर्वे) जोग...
अधिक वाचा