अजित डोवाल 💜

आज अविनाश थोरात लिखित #अजित_डोवाल हे १२० पृष्ठसंख्या असलेले हे पुस्तक एकाच बैठकीत वाचून काढले..सध्या देशाचे "राष्ट्रीय सुरक्षा सल्लागार" असलेले #अजित_डोवाल यांनी देशासाठी बजावलेल्या कामगिरीचा आढावा या पुस्तकात घेण्यात आला आहे.अजित सरांचा
आयपीएस अधिकारी,गुप्तहेर आणि त्यानंतर राष्ट्रीय सुरक्षा सल्लागार बनण्यापर्यतचा प्रवास प्रेरणादायी व रोचक आहे..पुस्तक वाचल्यावर आपल्याला आपल्या देशांतर्गत चालत असलेल्या अनेक गोष्टींची माहिती मिळते जी वाचून आपण थक्क होतो.पुस्तकात त्यांचा जीवनचरित्र दिलेला नसून त्यांच्या महत्वपूर्ण कामगिरीवरच प्रकाश टाकलेला आहे कारण अजित डोवाल यांच्या बद्दल खूपच कमी जणांना माहिती आहे..उरी चित्रपटात अजित डोवाल यांची भूमिका परेश रावल यांनी निभावली होती तेव्हापासूनच सामान्य माणसांना यांच्याबद्दल थोडी माहिती व्हायला सुरुवात झाली..उरी चा बदला घेण्यासाठी केलेली सर्जिकल स्ट्राईक असो किंवा पुलवामाचा बदला घेण्यासाठी करण्यात आलेली एयर स्ट्राईक असो या मागे अजित डोवाल यांचा महत्वपूर्ण योगदान होता..पण अजित डोवाल फक्त सर्जिकल व एअर स्ट्राईक पुरतेचं मर्यादित नसून त्यांनी अनेक जागी महत्वपूर्ण भूमिका निभावलेली आहे आणि या पुस्तकात काही अशाच न माहिती असलेल्या कामगिरीवर प्रकाश लेखकांनी टाकलेला आहे..लेखकांनी अजित डोवाल यांच्या कामगिरीबद्दल माहितीच्या सोबतच आपल्या देशातील इतर काही महत्वपूर्ण गोष्टीबद्दल सुद्धा उत्कृष्ट माहिती दिली आहे !! उदाहरण :-आयबी,रॉ,काश्मीर समस्या,भारत-पाकिस्तान संबंध,ऑपरेशन ब्लु स्टार,इत्यादी.... 

उत्तराखंड राज्यातील पौरीगढवाल येथे एका लष्करी अधिकाऱ्याचा कुटुंबात जन्म..अजमेर येथील लष्करी शाळेत शालेय शिक्षण पूर्ण करून आग्रा विद्यापीठातून अर्थशास्त्र विषयात पदव्युत्तर व त्यानंतर १९६८ साली यूपीएससी परीक्षा उत्तीर्ण होऊन आयपीएस अधिकारी पदी निवड व येथून सरळ आयबीत(IB) रुजु...आयबीत रुजू होऊन गुप्तहेर बनून पाकिस्तानात ७ वर्षे वास्तव्य असो किंवा मिझोराम येथील बंडखोरांचा बिमोड,कंदाहार विमान अपहरण प्रकरण,इशरत जहान प्रकरण,ऑपरेशन ब्लु स्टार नंतर ऑपरेशन ब्लॅक थंडर मध्ये महत्वपूर्ण भूमिका असो किंवा मग राष्ट्रीय सुरक्षा सल्लागार पदावर असताना डोकलाम,काश्मीर,बालाकोट,पुलवामा मध्ये केलेली महत्वपूर्ण कामगिरी असो सर्वच बाबतीत अजित डोवाल यांची भूमिका कौतुकास्पद व महत्वाची होती आणि आहे...

🖋️✍️पुस्तकाची अनुक्रमणिका खालीलप्रमाणे जी तुम्हाला पुस्तक वाचायला नक्कीच मजबूर करेल....❤️

१)दहशतवादाविरुद्ध लढण्यासाठी डिफेन्सिव्ह ऑफेन्स
२) पोलीस अधिकारी ते हेरगिरी
३) मिझो बंडखोरीचा बीमोड 
४) पाकिस्तानमध्ये सात वर्षे 
५)ऑपरेशन ब्लॅक थंडर 
६)दहशतवाद्यांचे आत्मसमर्पण 
७) कंदाहार विमान अपहरण प्रकरण 
८) कारगिलमधील गुप्तचरांचे अपयश
 ९)ऑपरेशन दाऊद इब्राहिम
 १०)इशरत जहान प्रकरण 
११) भ्रष्टाचार आणि काळ्या पैशाविरुद्ध लढाई 
१२) राष्ट्रीय सुरक्षा सल्लागार पदाची जबाबदारी
१३)मॅन इन अॅक्शन 
१४) पठाणकोट हल्ल्याचा धडा 
१५)उरी हल्ला : सर्जिकल स्ट्राईकने बदला 
१६)डोकलाम संघर्ष : चीनसमोर ताठ भूमिका 
१७) नागा बंडखोरांवर सर्जिकल स्ट्राईक 
१८)ऑपरेशन बालाकोट 
१९)काश्मीर - प्रश्नासंदर्भात डोवालांची भुमिका
वरील प्रत्येक प्रकरणामध्ये अजित डोवाल यांच्या जबरदस्त कामगिरीची प्रचिती आपल्याला येते..आणि आपण एकंदरीत सुन्न होतो !!

नक्कीच वाचा आणि इतरांना सुद्धा सुचवा 

©️Moin Humanist ✍️

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा

जोगवा 💔🌼

इमेज
जोगवा हा चित्रपट मी कितीतरी वेळा बघितलं नि प्रत्येक वेळी तो खूप खोलवर अंतर्मनाला भिडला.यानंतरच मी राजन गवस लिखित चौंडक,भंडारभोग ह्या कादंबऱ्या सुद्धा वाचल्या.आपल्या समाजात धर्माच्या, देवाच्या नावाखाली काय-काय घडतं, याचं वास्तवदर्शी नि फार भावनिक चित्रण या चित्रपटात आहे.  ‘जोगवा’ म्हणजे काय, हे या चित्रपटामुळेच नीट समजलं. पूर्वीपासून आपल्या ग्रामीण भागात असं प्रथा आहे की जर कुणी संकटात असेल, विशेषतः मुलगी किंवा मुलगा दीर्घ आजारी असेल, किंवा मुलं होत नसतील, तर घरातली एखादी मुलं किंवा मुलगी देवासाठी अर्पणकेली जाते त्यांना जोगता किंवा जोगतीण बनवलं जातं. ही व्यक्ती मग आयुष्यभर देवाच्या नावावर जगते,लग्न करता येत नाही, आपलं स्वप्न जगता येत नाही, समाजाच्या बाहेर राहावं लागतं. या चित्रपटात प्रमुख भूमिका निभावली आहे (उपेंद्र लिमये) यांनी तायप्पा ‘जोगता’ च्या भूमिकेत. त्यांचं पात्र लहानपणापासून जबरदस्तीने देवासाठी झोतात दिलं जातं. त्यांचं लैंगिक शोषण होतं, ते स्वतःची ओळख विसरतात, स्वतःला पुरूष समजावं की नाही, हेही त्यांना समजेनासं होतं. दुसरीकडे सुली (मुक्ता बर्वे) जोग...
अधिक वाचा