युवाल नोवा हरारी 💜



आपण दररोज वेगवेगळ्या पुस्तक आणि कादंबऱ्याबद्दल तर नेहमीच बोलतो,लिहितो,चर्चा करतो आणि वाचतो पण कधी तेवढं पुस्तक लिहणाऱ्या त्या लेखकांबद्दल लिहीत नाही किंवा जाणून घ्यायचं प्रयत्न करत नाही... पुस्तकांसोबत ते पुस्तक लिहणारा लेखक सुद्धा तेवढाच महत्वपूर्ण दुवा असतो कारण त्याने केलेला अभ्यास आणि अनुभवलेला अनुभव तर आपण वाचत असतो.त्यामुळे आपण वेगवेगळ्या पुस्तक, कादंबरी बद्दल जाणून घेत असतानाच मध्ये मध्ये काही वेगवेगळ्या नवीन लेखकांच्या बद्दल सुद्धा जाणून घेत जाऊ...तर चला सुरुवात करूया 

सेपियन्स, होमो डेअस आणि २१ व्या शतकासाठी २१ धडे इत्यादी आंतरराष्ट्रीय बेस्ट सेलर पुस्तकांचे लेखक युवाल नोआ हरारी बद्दल..

जेव्हा पासून मी सेपियन्स हे पुस्तक वाचून समाप्त केलं तेव्हापासून या माणसाचं एकंदरीत मी फॅनच झालो आहे..तेव्हापासूनच या माणसाबद्दल माहिती मिळवायला सुरवात केली आणि जसं जसं यांच्या बद्दल वाचत गेलो तसतस या माणसाच्या ज्ञानाच्या प्रेमात पडत गेलो..
युवाल नोवा हरारी यांचा जन्म २४ फेब्रुवारी,१९७६ रोजी इजराईल या देशात एका यहुदी कुटुंबात झाला..युवाल हरारी हे समलैंगिक (Gay) असून ते त्यांच्या पती सोबत यरुशलम च्या बाहेर एका कृषि सहकारी संस्था मोघव मध्ये राहतात..युवाल यांनी ऑक्सफर्ड विद्यापीठामधून त्यांची PHD पूर्ण केली असून सध्या ते एक प्रसिद्ध इतिहासकार असून युनिव्हर्सिटी ऑफ जेरुसलेम मध्ये एक प्राध्यापक आहेत..युवाल शुद्ध शाकाहारी असून ते नेहमी योगा/विपश्यना ला प्राधान्य देत असतात..यांनी अनेक पुस्तके लिहलेली असून त्यांची बरीच पुस्तके हे बेस्ट सेलर ठरलेली आहेत यामधूनच सेपियन्स हे एक बेस्ट सेलर पुस्तक..२०११ मध्ये हे पुस्तक प्रकाशित झाले असून आतापर्यत ४५ भाषांमध्ये हे पुस्तके छापण्यात आले आहे.

या पुस्तकांमध्ये त्यांनी संपूर्ण मानवजातीचा इतिहास उलगडून दिलेला आहे,आपण कोण होतो ??कुठून आलो ?? कसे आलो ?? आणि आता भविष्यात कोठे जाणार आहोत ??इत्यादी असंख्य प्रश्नांचे उत्तर त्यांनी या पुस्तकात दिलेले आहेत..या व्यक्तरीत त्यांनी Homo Deus: A Brief History of Tomorrow आणि 21 Lessons for the 21st Century हे दोन्ही बेस्ट सेलर पुस्तके लिहलेली आहे..
युवाल हरारी यांना सर्वात जास्त बुद्धिमान जीवित व्यक्ती म्हणून ओळखल्या जाते..त्यांनी काही दिवसांपूर्वीच आपल्या एका मुलाखतीत Covid19 या आजारावर आपले विचार व्यक्त करून संपूर्ण विश्वाला विचार करायला भाग पाडले..इंडिया टुडेशी झालेल्या संभाषणात ते म्हणाले की कोरोना नक्कीच एक मोठी साथीचा रोग आहे, परंतु त्याविरुद्ध लढा देणे सोपे आहे. ते म्हणाले की, या साथी ला लढा देण्यासाठी जगाला एकत्र यावे लागेल, पण सध्या दुर्दैवाने एकमेकांवर आरोप-प्रत्यारोप होत आहेत.असे सर्व द्वेष दूर करून सर्वांनी एकत्र येऊन या आव्हानावर मात करावी लागेल..

युवालला कोरोना साथीचा आणि जगातील पहिल्या महामारी याबद्दल विचारले असता ते म्हणाले की आपण कोरोनाबाबत अधिक चांगल्या स्थितीत आहोत. मध्ययुगीन काळातील काळ्या मृत्यूच्या पेक्षा हे साथीचे प्रमाण खूपच कमी आहे. आपल्याकडे हे साथीचे रोग समजून घेण्याचे तंत्र आहेत आणि त्यापासून बचाव करण्याचे वैज्ञानिक मार्ग आहेत. परंतु मध्ययुगाच्या ब्लॅक डेथबद्दल कोणालाही ते समजले नव्हते, लोक कसे मरत आहेत, ते कसे थांबवायचे, काही लोक त्यास देवाची शिक्षा मानत होते..लोकांना तेव्हा त्याबद्दल काहिही माहिती नव्हती..
त्यांचे वरील विचार बघून आपण त्यांच्या बुद्धिमतेच अंदाज लावू शकतो...त्यांची सम्पूर्ण मुलाखत तुम्ही इंडिया टुडेवर बघू शकता आणि त्यांचे पुस्तके वाचू शकता आणि नक्कीच वाचा...बाकी लिहायला खूप काही आहे पुढे लवकरच तुम्हाला सेपियन्स या पुस्तकाचा विस्तृत समीक्षण वाचायला मिळेल त्यामध्ये राहिलेले मुद्दे मी कव्हर करायचं प्रयत्न करतो या लेखात आपण फक्त लेखकाचं परिचय करून घेण्याचा प्रयत्न केलाय !!

©️Moin Humanist✍️

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

थोडं मनातलं ♥️

इमेज
आयुष्यात आजपर्यंत फक्त एकाच वेळी  तुटून पडलो त्याबद्दल व्यक्त व्हावं वाटलं.🌿 2017 ला 12th पास झालो.पुण्याला गेलो,काही कारणाने परत येऊन घरीच राहून अभ्यास करायचं ठरवलं.काकाच्या बंद पडलेल्या खोलीत स्वतःचा विश्व बनवलं.हाच आपला पहिला वहिला 'स्टडी बंकर'होय.2018 ते 2019 Cse चा मनापासून सर्वकाही विसरून अभ्यास केलं.अवांतर वाचन सुरूच होतं. 2019 च्या ऑक्टोबर मध्ये अनपेक्षितपणे आरोग्याने साथ सोडली आणि येथूनच मी मागे पडत गेलो.येथून अभ्यास बंद झाला.परत परत हॉस्पिटलमध्ये जाऊन अस्वस्थ वाटतं होतं त्यामुळेच एकटेपणाची सुद्धा जाणीव व्हायला सुरुवात झाली.गल्लीत जवळचा म्हणावं तसं कोणीही मित्र नव्हतं.होती ती फक्त 'अर्पिता' तिला बोलूनच थोडं छान वाटायचं. आमचं एकमेकांवर खूप म्हणजे खूप प्रेम होतं.खूप काही वेगळी स्वप्ने बघितलेली होती आम्ही.  'Long Distance Relationship' असून सुद्धा आम्ही एकमेकांच्या जवळच होतो असं वाटायचं.एकंदरीत खूप भारी होतं आमचं नातं.पण परत परत आजारामुळे मी पूर्णपणे तुटलो होतो.माझं भविष्य अंधकारात दिसतं होतं.दिशा मिळतं नव्हती.समजून घेणारं आणि समजावून सांगणार ...
अधिक वाचा

सुपरमॅन ऑफ मालेगाव.....♥️🌼

इमेज
काही वर्षांपूर्वी युट्यूबवर 'सुपरमॅन ऑफ मालेगाव' ही डॉक्युमेंटरी पहिल्यांदा पाहिली होती नि आजपर्यंत किती वेळा पाहिली याचा हिशोबच नाही. आज पुन्हा एकदा पाहिली नि ठरवलं की या वर काहीतरी लिहावं, जेणेकरून ज्यांनी पाहिली नसेल त्यांना या डॉक्युमेंटरीबद्दल माहिती होईल...😊 'मालेगाव का सुपरमॅन' या खानदेशी चित्रपटाच्या निर्मिती प्रक्रियेवर, नि एकूणच खानदेशातील लोकांच्या चित्रपट बघण्याच्या व बनवण्याच्या असलेल्या अप्रतिम पॅशनवर आधारित ही डॉक्युमेंटरी आहे. कोणत्याही सुविधा नसताना, धार्मिक कट्टरता नि बेरोजगारीचा सामना करत, कुटुंबाची जबाबदारी पेलत, खानदेशवासी फक्त चित्रपट पाहत नाहीत, तर जुगाड करत चित्रपट कसे बनवतात हे पाहणं एक अद्भुत अनुभव आहे. त्यांची चित्रपट बनवण्याची जिद्द आणि पॅशन खूपच प्रेरणादायी आणि कौतुकास्पद आहे. खूपच कमी संसाधनांचा वापर करून, आपल्या स्थानिक बोली भाषेत सुंदर सामाजिक संदेश देणारा चित्रपट कसा बनवावा, हे यांच्याकडून शिकायला हवं. मालेगावमध्ये लोकांचा चित्रपट पाहण्याचा उत्साह जसा जोरात आहे, त्यापेक्षा चित्रपट बनवण्याचा उत्साह अनेक पटींनी अधिक आहे. हे...
अधिक वाचा

जोगवा 💔🌼

इमेज
जोगवा हा चित्रपट मी कितीतरी वेळा बघितलं नि प्रत्येक वेळी तो खूप खोलवर अंतर्मनाला भिडला.यानंतरच मी राजन गवस लिखित चौंडक,भंडारभोग ह्या कादंबऱ्या सुद्धा वाचल्या.आपल्या समाजात धर्माच्या, देवाच्या नावाखाली काय-काय घडतं, याचं वास्तवदर्शी नि फार भावनिक चित्रण या चित्रपटात आहे.  ‘जोगवा’ म्हणजे काय, हे या चित्रपटामुळेच नीट समजलं. पूर्वीपासून आपल्या ग्रामीण भागात असं प्रथा आहे की जर कुणी संकटात असेल, विशेषतः मुलगी किंवा मुलगा दीर्घ आजारी असेल, किंवा मुलं होत नसतील, तर घरातली एखादी मुलं किंवा मुलगी देवासाठी अर्पणकेली जाते त्यांना जोगता किंवा जोगतीण बनवलं जातं. ही व्यक्ती मग आयुष्यभर देवाच्या नावावर जगते,लग्न करता येत नाही, आपलं स्वप्न जगता येत नाही, समाजाच्या बाहेर राहावं लागतं. या चित्रपटात प्रमुख भूमिका निभावली आहे (उपेंद्र लिमये) यांनी तायप्पा ‘जोगता’ च्या भूमिकेत. त्यांचं पात्र लहानपणापासून जबरदस्तीने देवासाठी झोतात दिलं जातं. त्यांचं लैंगिक शोषण होतं, ते स्वतःची ओळख विसरतात, स्वतःला पुरूष समजावं की नाही, हेही त्यांना समजेनासं होतं. दुसरीकडे सुली (मुक्ता बर्वे) जोग...
अधिक वाचा